Ráitis N & F go Deireadh Fómhair 2017 ar fáil anois
D’fhógair an Roinn Talmhaíochta, Bia agus Mara go bhfuil ráitis Nítrigine agus Fosfair (Ráitis N&F) le haghaidh eallach amháin don tréimhse ó Eanáir go Deireadh Fómhair 2017 ar fáil anois ar chóras ar líne na Roinne www.agfood.ie.
Tá na ráitis seo áisiúil go háirithe chun deis a thabhairt d’fheirmeoirí pleanáil i gcomhair an chuid eile den bhliain, lena chinntiú go gcloífidh siad le teorainneacha na Rialachán maidir le Níotráití, rud a fhágfaidh go seachnóidh siad pionóis as teorainneacha de 170 kgs Nítrigine in aghaidh an heicteáir a shárú nó an teorainn dóibh siúd a bhfuil maolú ceadaithe acu de 250 kgs Nítrigine in aghaidh an heicteáir.
Meabhraítear freisin d’fheirmeoirí nach mór taifid níotráití maidir le leasachán orgánach a bhogadh, gluaiseacht shealadach ainmhithe i rith na bliana nó comhaontuithe féaraigh gearrthéarmacha cíosa (Foirmeacha Taifead 3, 4, 5) a chur isteach anois.
Ba cheart na foirmeacha comhlánaithe a sheoladh chuig:
An Rannán Níotráití, An Roinn Talmhaíochta, Bia agus Mara, Eastát Chaisleán Bhaile Sheáin, Co. Loch Garman Y35 PN52Nó is féidir iad a chur isteach ar ríomhphost chuig nitrates@agriculture.gov.ie
Is féidir le feirmeoirí nach bhfuil cláraithe le agfood.ie go fóill sin a dhéanamh trí logáil isteach ar www.agfood.ie agus cliceáil ar an gcnaipe ‘Cláraigh’. Chun uimhir fón póca a chlárú i gcomhair foláireamh téacs i bhfoirm SMS a fháil amach anseo logáil isteach ar https://www.agriculture.gov.ie/contactsupdates/ chun an fhoirm chlárúcháin a rochtain, nó téigh i dteagmháil leis an Rannán Níotráití ag 053-9163444.
CRÍOCH
Date Released: 20 November 2017
Distribution channels: Agriculture, Farming & Forestry Industry
Legal Disclaimer:
EIN Presswire provides this news content "as is" without warranty of any kind. We do not accept any responsibility or liability for the accuracy, content, images, videos, licenses, completeness, legality, or reliability of the information contained in this article. If you have any complaints or copyright issues related to this article, kindly contact the author above.
Submit your press release