Baineann Creed Méadú 8% amach ar Luach Cuótaí Éisc Ghil d¿iascairí Éireannacha

Méadú 15% ar an gcuóta €80m do chloicheáin

Rinneadh turasóireacht slatiascaireacht doingean mara a chosaint

I ndiaidh idirbheartaíocht dhian a mhair dhá lá a cuireadh i gcrích ag 7.30am ar maidin, bhain an tAire Talmhaíochta, Bia agus Mara, Michael Creed, T.D., pacáiste iomlán cuótaí éisc amach ar fiú €266 milliún é d’iascairí Éireannacha don bhliain 2018.

Rinneadh comhaontú ar 40,168 tonna, ar an iomlán, de chuótaí éisc ghil don bhliain 2018.   Dúirt an tAire Creed, “Is ionann luach iomlán €152m na gcuótaí éisc ghil a baineadh amach don chabhlach iascaireachta Éireannach agus méadú 8% ar an luach ón mbliain seo caite agus méadú 3% ar mhéid. Táim sásta gur toradh maith agus cothrom é seo, ar an iomlán".

Is ionann cuóta cloicheán na hÉireann agus 10,729 tonna ar a bhfuil luach €83m.   Dúirt an tAire, “I mbliana, bhaineamar méadú 15% amach ar chloicheáin, ar fiú breis agus €10.6m go díreach é le cabhlach na hÉireann, arb ionann sin agus an méadú singil is mó le breis agus deich mbliana anuas agus léiríonn sé go bhfuil an stoc seo ina steillbheatha, ar an iomlán. 

Is léir go bhfuil go leor dár stoic á n-atógáil, faoi mar a léiríonn méadú 34% ar ár gcuótaí éisc ghil amach ón gcósta thiar thuaidh agus méadú 64% i Muir Éireann i gcomparáid le 5 bliana ó shin - dhá limistéar ina raibh stoic laghdaithe.

Labhair an tAire Creed ar an toradh dearfach do Mhuir Éireann, “Tá stoic troisc agus cadóige i Muir Éireann bainte amach arís i ndiaidh go leor blianta ina ndearnadh bearta caomhnaithe faoi stiúir an tionscail.   Bhí an tóin réidh le titim as an stoc troisc, ach go háirithe, ón mbliain 2000 ar aghaidh.   B’fhiú an obair a rinneadh chun an stoc seo agus an stoc cadóige a atógáil i mbliana agus sonraítear méaduithe suntasacha ar an dá chuóta dár gcabhlaigh ar an gcósta Thoir.”

Déantar bainistiú ar iascach scadáin na Mara Ceiltí faoi phlean a d’ullmhaigh earnáil iascaireachta na hÉireann ar gá ciorrú 30% a dhéanamh air in 2018.  Dúirt an tAire Creed, “Ar aon dul le moladh earnáil iascaireachta na hÉireann, leanamar an Plean Bainistíochta le haghaidh scadán na Mara Ceiltí.   Tá an plean seo réamhchúramach agus teastaíonn an ciorrú chun an stoc a atógáil i ndiaidh tréimhse mheatha ón mbliain 2015 ar aghaidh.

Bhain togra an-deacair lenár n-iascach doingean mara áineasa inar lorg an Coimisiún toirmeasc iomlán ar shlatiascaireacht ar feadh 6 mhí den bhliain.  D’éirigh leis an Aire iascach ‘gabh agus scaoil’ i gcaitheamh na bliana a bhaint amach nach gcuirfeadh an stoc i mbaol agus a chosnódh an acmhainn ríthábhachtach turasóireachta seo.

Chuir an tAire a shásamh in iúl gur chuir Comhairle na bliana seo céim thábhachtach eile díbh chun stoic a sholáthar ar na leibhéil uasta inbhuanaithe. “Déanfaidh an dul chun cinn atá déanta againn i mbliana lámh chúnta a thabhairt dúinn inár n-iarrachtaí chun ár stoic éisc a atógáil, a bhuntacaíonn le todhchaí ár dtionscail agus ár bpobal cósta.”

Dúirt an tAire mar fhocal scoir, “Tá roinnt saincheisteanna dúshlánacha romhainn i mbliana ach creidim gur pacáiste cothrom agus inbhuanaithe an pacáiste deiridh.   Ba mhaith liom, chomh maith leis sin, mo bhuíochas a chur in iúl as an gcomhoibriú agus an cúnamh a fuair mé ón dtionscal iascaireachta agus ó na hionadaithe d’eagraíochtaí neamhrialtasacha sa Bhruiséil i rith na hidirbheartaíochta agus sna míonna rompu.”

I measc na bpríomhthorthaí ar a ndearnadh idirbheartaíocht, tá an méid seo a leanas

• San Iarthuaisceart, méadú 20% ar anglait, méadú 21% ar bholmán Atlantach agus méadú 26% ar chadóg do phoirt an Chaisleáin Nua agus na gCealla Beaga.
• Méadú 15% ar an gcuóta cloicheáin, ar fiú €10.6m é, a théann chun sochair phoirt Cheann Chlochair, Bhinn Éadair, Bhréantrá, Bhaile Chaisleáin Bhéarra, an Daingin agus Ros an Mhíl.
• I Muir Éireann, rinneadh an cuóta a mhéadú faoi thrí a bhuíochas leis an téarnamh ar an stoc troisc; tháinig méadú 55% ar chuóta cadóige Mhuir Éireann, chomh maith.  Baineann tábhacht, go príomha, leis na stoic seo, i gcás phoirt Cheann Chlochair, Bhinn Éadair agus Ché na Cille Móire.
• Tháinig méadú 13% ar Thuinnín Colgach atá tábhachtach i dtaobh phoirt dheisceartacha Bhaile Chaisleáin Bhéarra agus an Daingin;
• I dtaobh na n-iascach measctha éisc ghil amach ó chósta an Deiscirt agus an Iarthair, tháinig méadú 2% ar throsc, níor tháinig aon athrú ar an stoc anglaite, tháinig laghdú 11% ar chadóg; agus tháinig laghdú 19% ar fhaoitín, agus tá seo go léir ar aon dul leis an gcomhairle eolaíochta.

STOC	LIMISTÉAR	Cuóta 2017	Cuóta 2018	Athrú	Luach 2018
Trosc	VIIa	97	458	372%	€1.05	372%
Trosc	VII b-k	739	756	2.3%	€0.05	2%
Scoilteáin	VII	2,266	2,263	0%	-€0.01	0%
Anglait	VII	2,540	2,547	0%	€0.03	0%
Cadóg	VII b-k	1,722	1,532	-11%	-€0.35	-11%
Cadóg	VIIa	898	1,388	55%	€0.91	55%
Faoitín	VIIa	46	46	0%	€0.00	0%
Faoitín	VIIb-k	7,646	6,180	-19%	-€1.88	-19%
Gliomach na hIorua	VII	9,352	10,729	14.7%	€10.63	15%
Leathóg	VIIa	768	1,172	53%	€0.78	53%
Leathóg	VII	63	67	6%	€0.01	6%
Leathóg	VII	199	203	2%	€0.01	2%
Leathóg	VII hjk	56	56	0%	€0.00	0%
Mangach	VII	927	927	0%	€0.00	0%
Glasán	VII	1,491	1,492	0%	€0.00	0%
Sól Coiteann	VIIa	17	17	0%	€0.00	-1%
Sól Coiteann	VII	36	36	0%	€0.00	-1%
Sól Coiteann	VII fg	26	29	12%	€0.03	12%
Sól Coiteann	VII hjk	171	178	4%	€0.06	4%
Fo-Iomlán (Limistéar VII)		29,060	30,076	3%	€11.32	10%

 

STOC	LIMISTÉAR	Cuóta 2017	Cuóta 2018	Athrú	Luach 2018
Trosc	VIb	16	16	0%	€0.00	3%
Trosc	VIa	0	0		€0.00
Scoilteáin	VI	736	704	-4%	€0.11	-4%
Anglait	VI	765	918	20%	€0.64	20%
Cadóg	VIb XII XIV	411	428	4%	€0.03	4%
Cadóg	VIa Vb	605	761	26%	€0.29	26%
Faoitín	VI	64	64	0%	€0.00	-1%
Gliomach na hIorua	VI	222	164	-26%	-€0.45	-26%
Leathóg	VI	261	261	0%	€0.00	0%
Mangach	VI	56	56	0%	€0.00	0%
Glasán	VI	427	429	0%	€0.00	0%
Sól Coiteann	VI	46	46	0%	€0.00	0%
Fo-Iomlán (Limistéar VI)		3,609	3,847	7%	€0.41	3.6%

 

STOC	LIMISTÉAR	Cuóta 2017	Cuóta 2018	Athrú	Luach 2018
Torsca	V, VI, VII	53	57	8%	€0.00
Colmóir	VI, VII	3,732	3,464	-7%	-€0.62	-7%
Langa Gorm	Vb,VI,VII	32	32	0%	€0.00
Langa Gorm	II, IV	4	4	0%	€0.00
Langa	VI - IX, X, XII, XIV	1,008	1,008	0%	€0.00	0%
Sciataí agus Roic	VI, VIIa-c, & e-k	1,100	1,266	15%	€0.23	15%
Haileabó Graonlannach	IIa, IV, VI	16	16	0%	€0.00
Fíogach Gobach	I, V - VIII, XII, XIV	53	53	0%	€0.00
Trosc	I, II	344	345	0%	€0.00	0%
Péirse Mara	V, XII, XIV (Éadomhain)	0	0		€0.00
Péirse Mara	V, XII, XIV (Domhain)	0	0		€0.00
Fo-Iomlán (Limistéar Roinnte VI agus VII)		6,342	6,245	-1.5%	-€0.38	-3%

 

Stoc	LIMISTÉAR	Cuóta 2017	Cuóta 2018	Athrú	Luach 2018
Airgintín Mór	III, IV	7	8	14%	€0.00	14%
Airgintín Mór	V, VI, VII	274	329	20%	€0.04	20%
Torciasc	VI, VII,VIII	18,858	14,084	-25%	-€0.84	-25%
Scadán	VIaN	630	630	0%	€0.00	0%
Scadán	VIaS, VIIbc	1,482	1,482	0%	€0.00	0%
Scadán	VIIa	1,074	1,826	70%	€0.28	70%
Scadán	VII ghjk	12,502	8,748	-30%	-€1.38	-30%
Faoitín Gorm	I - VIII a,b,d,e XII,XIV	45,547	47,451	4%	€0.45	4%
Ronnach	VI, VII	86,426	69,141	-20%	-€16.40	-20%
Bolmán Atlantach	IVb, IVc, agus VIId	438	376	-14%	-€0.05	-14%
Bolmán Atlantach	IIa,IVa,VI,VIIa-c,e-k,VIIIabe	21,153	25,625	21%	€3.62	21%
Scadán	I, II	3,731	2,512	-33%	-€0.45	-33%
Tuinnín Colgach	An tAtlantach Thuaidh	2,514	2,845	13%	€0.81	13%
PEILIGEACH IOMLÁN		194,636	175,057	-10%	-€13.93	-11%

 

Stoc	LIMISTÉAR	Cuóta 2017	Cuóta 2018	Athrú	Luach 2018
Siorcanna Domhainfharraige	XII	0	0		€0.00
Scabaird Dhubh	V, VI, VII, XII	84	74	-12%	-€0.03	-12%
Alfainsíní	I - X, XII, XIV	9	9	0%	€0.00	0%
Gránadóir Cruinnsocach	Vb, VI, VII	198	203	3%	€0.01	3%
Gránadóir Cruinnsocach	VIII, IX, X, XII, XIV	4	3	-25%	€0.00	-25%
Gainneachán Flannbhuí	VI	0	0		€0.00
Gainneachán Flannbhuí	VII	0	0		€0.00
Gainneachán Flannbhuí	I - V, VIII - XII, XIV	0	0		€0.00
Deargán	VI, VII, VIII	4	4	0%	€0.00	0%
Fícínigh	V, VI, VII	278	247	-11%	-€0.05	-11%
DOMHAINFHARRAIGE IOMLÁN		577	540	-6%	-€0.07	-6%

 

CRÍOCH

 

 

Date Released: 13 December 2017